'సిరివెన్నెల' సీతారామ శాస్త్రి గారి -

ఎప్పుడూ ఒప్పుకోవద్దురా ఓటమి
ఎప్పుడూ వదలుకోవద్దుర ఓరిమి
విశ్రమించవద్దు ఎ క్షణం
విస్మరించవద్దు నిర్ణయం
అప్పుడే నీ జయం నిశ్చయం రా.. || ఎప్పుడూ... ||

నింగి ఎంత పెద్దదైన
రివ్వుమన్న గువ్వ పిల్ల
రెక్క ముందు తక్కువేనురా |౨|

సంద్రం ఎంత గొప్పదైన
ఈదుతున్న చేప పిల్ల
మోప్ప ముందు చిన్నదేనురా

పశ్చిమాన పొంచివుండి
రవిని మింగు అసురసంధ్య
ఒక్కనాడూ నెగ్గలేదురా

గుటుకపడని అగ్గివుండ
సాగారలనీదుకొంటు
తూరుపింట తేలుతుందిరా

నిశావిలాసం ఎంత సేపురా?
ఉషోదయాన్ని ఎవ్వడాపురా?
రగులుతున్న గుండేకూడా సూర్యగోళవంటిదేనురా || ఎప్పుడూ... ||

నొప్పిలేని నిమిషమేది
జననమైన మరణమైన
జీవితాన అడుగు అడుగునా |౨|

నీరసించి నిలిచిపోతే
నిమిషమైన నీది కాదు
బ్రతుకు అంటే నిత్య ఘర్షణ

దేహముంది ప్రాణముంది
నెత్తురుంది సత్తు ఉంది
ఇంతకన్నా సైన్యముండునా? |౨|

ఆశ నీకు అస్త్రమౌను
శ్వాస నీకు శస్త్రమౌను
ఆశయమ్ము సారదౌమురా

నిరంతరం ప్రయత్నమున్నదా
నిరాశకే నిరాశ పుట్టదా?

ఆయువంటు ఉన్నవరకు
చావు కూడా నెగ్గలేక
శవముపైనే గెలుపు చాటురా || ఎప్పుడూ.. ||